Հենրիխ Մխիթարյանը «Ռոմայի» հետ պայմանագրի երկարաձգման համար սկսած բանակցություններում կարևոր պայման է առաջադրել՝ հայտնում է իտալական Corriere della Sera-ն:
Ինչպես հայտնում է իտալական պարբերականը, Հայաստանի հավաքականի նախկին ավագը ցանկանում է ստանալ տարեկան 4 միլիոն եվրո մաքուր աշխատավարձ, ինչքան վաստակում է ներկայումս:
Ավելի վաղ հաղորդվում էր, որ հայ կիսապաշտպանը կգնա աշխատավարձի զգալի կրճատման:
Ըստ աղբյուրի՝ «Ռոման» ցանկանում է Հենրիխի հետ կնքել 2 տարվա պայմանագիր:
Մխիթարյանի՝ «Ռոմայի» հետ գործող պայմանագրի ժամկետը կավարտվի գալիք ամռանը:
Հավելենք՝ 33-ամյա կիսապաշտպանը «Ռոմայի» կազմում ընթացիկ մրցաշրջանում բոլոր մրցաշարերում անցկացրել է 34 հանդիպում, դարձել 3 գոլի և 7 գոլային փոխանցման հեղինակ:
