Հենրիխ Մխիթարյանին նվիրված նամականիշ մարվեց և դրվեց շրջանառության մեջ (տեսանյութ, լուսանկարներ)

Խաղի մանրամասները

տուր

01 Հունվար 1970 - 12:57

Հունիսի 4-ին՝ ՀՖՖ Տեխնիկական կենտրոն/ֆուտբոլի ակադեմիայում, «Հայփոստ» ՓԲԸ-ի կողմից մարվեց և շրջանառության մեջ դրվեց մեկ նամականիշ՝ նվիրված «Սպորտ. Հայ անվանի ֆուտբոլիստներ. Հենրիխ Մխիթարյան» թեմային:

Մարզաշխարհի ներկայացուցիչներից առայժմ նամականիշերի վրա հայտնվել էին միայն օլիմպիական չեմպիոնները՝ Արթուր Ալեքսանյանն ու Շախմատի Հայաստանի հավաքականը: Հայաստանի հավաքականի ավագը համալրեց նրանց շարքը: 450 ՀՀ դրամ անվանական արժեքով նամականիշը տպագրված է Կանադայի “Lowe Martin Group” տպագրատանը՝ 40 000 տպաքանակով: Նամականիշի դիզայնի հեղինակն է «ՀայՓոստ» ՓԲԸ-ի գլխավոր դիզայներ Վահագն Մկրտչյանը: Նամականիշի վրա պատկերված է հայ անվանի ֆուտբոլիստ, Հայաստանի ֆուտբոլի ազգային հավաքականի ավագ Հենրիխ Մխիթարյանը՝ Հայաստանի հավաքականի մարզաշապիկով: Հ. Մխիթարյանի դիմանկարը կատարված է համակարգչային գրաֆիկայի եղանակով:

Նամականիշի մարումն իրականացրեցին ՀՀ բարձր տեխնոլոգիական արդյունաբերության փոխնախարար Գեղամ Վարդանյանը, Հենրիխ Մխիթարյանը, «ՀայՓոստ» ընկերության Խորհրդի նախագահ Խուան Պաբլո Գեչիջյանը, ՀՀ Ֆիլատելիստների միության նախագահ Հովիկ Մուսայելյանը:

Միջոցառման վերջում Հենրիխ Մխիթարյանը Խուան Պաբլո Գեչիջյանին նվիրեց Հայաստանի ազգային հավաքականի մարզաշապիկ՝ իր մակագրությամբ: