Վինի Թուխը կհայտնվի առաջիկա սարսափ ֆիլմում, հաղորդում է ComicBook-ը։
«Վինի Թուխ. արյուն և մեղր» (Winnie the Pooh: Blood and Honey) ֆիլմը Ռիս Ֆրեյք-Ուոթերֆիլդի համար կլինի իր տեսակի մեջ առաջին նախագիծը։ Սյուժեի մասին քիչ բան է հայտնի։ IMDb-ում ներկայացված են Էմբեր Դոյգ-Թորնը, Մարիա Թեյլորը և Դենիել Սքոթը:
Քանի որ Disney-ն այլևս չունի Ալան Միլնի «Վինի Թուխ» ստեղծագործությունների բացառիկ իրավունքները, ռեժիսորը կարողացել է ներկայացնել իր սեփական մոտեցումը հերոսի պատմության վերաբերյալ։
Հայտնի արջն առաջին անգամ հանրությանն է ներկայացվել 1926 թվականին։ Հեղինակային իրավունքը տևել է 95 տարի, մինչև գրքերը դարձել են հանրային սեփականություն, ինչի մասին հաղորդվել է 2021 թվականի հունվարին: