Հունահռոմեական ոճի հայ ըմբիշները 6 մեդալ են նվաճել Թեհրանում անցկացված միջազգային պատանեկան մրցաշարում։
Ստուգատեսի հաղթող են դարձել Ալեքս Մարգարյանը (51 կգ քաշային կարգ) և Հայկ Լյուդվիգյանը (55 կգ)՝ հայտնում է մարզաձևի հանրապետական ֆեդերացիան:
Արծաթե մեդալի են արժանացել Սամվել Խաչատրյանը (45 կգ), Արթուր Բուրսալյանը (55 կգ) և Պետրոս Արշակյանը (60 կգ): Իսկ 80 կգ քաշային Արման Մովսիսյանը բավարարվել է բրոնզե պարգևով։
Մրցաշարին մարզիչներ Ազատ Ամոյանի ու Հարություն Հովհաննիսյանի ղեկավարությամբ ներկայացած Հայաստանի թիմն ընդհանուր հաշվարկում երկրորդն է։