Ջերմուկում ընթացող Ստեփան Ավագյանի հուշամրցաշարի 3-րդ տուրում միանձնյա առաջատար Հայկ Մարտիրոսյանը հաշտություն կնքեց Ալեքսանդր Դոնչենկոյի հետ ու միավորների քանակը հասցրեց 2-ի:
Հայկին միավորներով հավասարվեց Հանս Նիմանը, որը հաղթեց Մամիկոն Ղարիբյանին, ու նրա հետ գլխավորեց մրցաշարային աղյուսակը:
1,5-ական միավորով առաջատարներին հետապնդում են Շանթ Սարգսյանը, Ամին Տաբատաբաեին, Մանուել Պետրոսյանը, Դայ Վան Նգուենը, Սարին Նիհալն ու Ալեքսանդր Դոնչենկոն:
Տուրի մյուս 3 պարտիան ավարտվեց ոչ-ոքի: Հաշտություն կնքեցին Սարին Նիհալն ու Շանթ Սարգսյանը, Դայ Վան Նգուենն ու Մանուել Պետրոսյանը, Ամին Տաբատաբաեին ու Սամվել Տեր-Սահակյանը: