տուր
01 Հունվար 1970 - 21:28
Ինչպես արդեն տեղեկացրել ենք, Հայաստանի հավաքականի և «Հոֆենհայմի» հարձակվող Սարգիս Ադամյանի դուբլը հաղթանակ է պարգևել իր թիմին «Բավարիայի» դեմ արտագնա հանդիպմանը:
Խաղից հետո «Հոֆենհայմի» գլխավոր մարզիչ Ալֆրեդ Շրյոդերը խոսել է Սարգիս Ադամյանի մասին. «Ադամյանին որոշակի ժամանակ էր հարկավոր, իսկ այսօր նա արժանացել էր մեկնարկային կազմում տեղ գտնելուն: Նա զգում է իր թիմակիցների վստահությունը, ու իհարկե երազանք է, որ նա շարունակի այնպես, ինչպես այսօր արեց»:
Նշենք, որ այս հաղթանակով «Հոֆենհայմը» տոնեց իր առաջին արտագնա հաղթանակը Բունդեսլիգայի ընթացիկ մրցաշրջանում: Թիմի համար այս հաղթանակը նաև առաջինն էր մյունխենյան ակումբի նկատմամբ արտագնա խաղերում:
Ավելի վաղ հաղորդել ենք, որ Ադամյանը SofaScore-ի վարկածով ամենաբարձր գնահատականին է արժանացել իր թիմի ֆուտբոլիստների շրջանում, իսկ ահա WhoScored-ի վարկածով հայ հարձակվողը ճանաչվել է հանդիպման լավագույն խաղացող: