Սկոպյեում ավարտվեց հունահռոմեական ոճի ըմբշամարտի մինչև 23 տարեկանների Եվրոպայի առաջնությունը:
Հայաստանի հավաքականը թիմային հաշվարկում զբաղեցրեց 2-րդ հորիզոնականը:
Հայ ըմբիշներից մինչև 23 տարեկանների Եվրոպայի չեմպիոն հռչակվեցին 63 կգ քաշային Հրաչյա Պողոսյանը և 72 կգ քաշային Մալխաս Ամոյանը:
Արծաթե մեդալ նվաճեց 130 կգ քաշային Դավիթ Օվասապյանը, իսկ բրոնզե մեդալ նվաճեցին 60 կգ քաշային Տիգրան Մինասյանը, 77 կգ քաշային Սամվել Գրիգորյանն ու 87 կգ քաշային Գևորգ Թադևոսյանը:
Հայաստանի ըմբշամարտի ֆեդերացիայի հաղորդմամբ՝ Հայաստանի հավաքականը Երևան կժամանի վաղը՝ մայիսի 24-ին՝ ժամը 22:50-ին(Կիև-Երևան չվերթով):