Ապրիլի 30-ից մայիսի 6-ը Դաղստանի Կասպիսկ քաղաքում տեղի կունենա ըմբշամարտի Եվրոպայի առաջնությունը, որին Հայաստանի հունահռոմեական հավաքականը կմասնակցի 7 ըմբիշով։
Եվրոպայի առաջնություն. Հունահռոմեական ոճի 7 ըմբիշ կմասնակցի տարվա առաջին գլխավոր ստուգատեսին
Մրցաշարը խոստանում է մեդալաշատ լինել հայկական պատվիրականության համար։ Vivaronews.am-ը ԵԱ-ին ընդառաջ առանձնացրել է 3 քաշային կարգ, որոնցում հանդես եկող հայ ըմբիշները արդեն լուրջ փորձ ունեն և լուրջ հավակնություններ պատվո հարթակին կանգնելու համար։ Փորձել ենք նաև հասկանալ, թե ովքեր են նրանց ամենաանցանկալի մրցակիցները։
Արթուր Ալեքսանյան
Չնայած 97 կգ քաշային կարգում Արթուր Ալեքսանյանը բացարձակ ֆավորիտ է, Եվրոպայի առաջնությունները այդքան էլ հաջող չեն դասավորվում Օլիմպիական չեմպիոնի համար:
Դրանում համոզվելու համար կարող ենք նշել, որ 2011 թվականից սկսած տեղի ունեցած բոլոր միջազգային մրցաշարերում հայ ըմբիշը կրել է 6 պարտություն, որոնցից 3-ը Եվրոպայի առաջնությունում, Արթուրը մեկական անգամ էլ զիջել է մրցակիցներին ԱԱ-ի, Օլիմպիական խաղերի և Թբիլիսիի Գրան Պրիի ժամանակ:
Արթուր Ալեքսանյանի բոլոր հնարքները Աշխարհի առաջնությունում (տեսանյութ)
Հայ մարզիկը առավելագույնը պարտվել է Ռուսաստանը ներկայացնող Նիկիտա Մելնիկովին (2013 թ․ Բուդապեշտ ԱԱ և 2016 թ․ ԵԱ):
Հիմնական մրցակիցները՝
Օրխան Նուրիև (Ադրբեջան, առաջին հանդիպում, Նուրիևը Մ23 տարեկանների Եվրոպայի չեմպիոն) Չենկ Իլդեմ, (Թուրքիա, 2016 Եվրոպայի առաջնություն Ռիգայում, 6-2 հաղթանակ), Մուսա Եվլոև (Ռուսաստան, 2017 ԱԱ, 3-1 եզրափակչում), Կուկուրի Կիրծխալիա (Վրաստան, վերջին հանդիպում՝ Կիևի մրցաշարի 1/8 եզրափակիչ, 8-0 հաղթանակ գոտեմարտի 1:04-րդ րոպեում):
«Ճերմակ Արջը» նաև հնարավորություն ունի դառնալու առաջին հայ ըմբիշը, որը կհռչակվի Եվրոպայի քառակի չեմպիոն: