Այսօր՝ հուլիսի 20-ին աշխարհը նշում է Շախմատի միջազգային օրը. այն տոնվում է 1966 թվականից։ Տոնի ստեղծման գաղափարն առաջացել է Շախմատի միջազգային ֆեդերացիայի (ՖԻԴԵ) մոտ, որը հիմնադրվել է 1924 թվականի հուլիսի 20-ին Փարիզում։ Ըստ ՖԻԴԵ-ի տվյալների՝ 2012 թվականին աշխարհում հաշվառվել է մշտապես շախմատ խաղացող 605 միլիոն մեծահասակ։ Տոնը նշվում է 178 երկրներում։ Այս օրը անցկացվում են տարբեր թեմատիկ մրցություններ։ Միաժամանակյա խաղեր են անցկացվում նույնիսկ բանտերում։ Ինչպես նաև…

Ծնվել է Ալեքսանդր Մակեդոնացին 

Ալեքսանդր Մակեդոնացին այն պատմական դեմքն է, որի անունը հայտնի է բոլորին։ Սակայն գոյություն ունեն մի շարք հետաքրքիր փաստեր նրա կենսագրությունից, որոնք անհայտ են լայն լսարանին. օրինակ՝ Մակեդոնացին վախենում էր կատուներից: Ավելին կարող եք կարդալ՝ այստեղ:

Մահացել է Մարիամ Ասլամազյանը

Մարիամը ծնվել է Կարսի Բաշ-Շիրակ գյուղում՝ ներկայիս Գյումրիի շրջակայքում։ Ծնողները՝ Արշակ և Վարդուհի Ասլամազյանները յոթ երեխա ունեին՝ վեց աղջիկ ու մեկ տղա։ Ապագա նկարչուհու հորական պապը՝ Սիմոն Ասլամազը հույն էր։ Երիտասարդ տարիներին նա սիրահարվել էր մի հայ աղջկա և նրա հետ ամուսնանալու նպատակով հավատափոխ եղել՝ դարձել Հայ Առաքելական Եկեղեցու հետևորդ, իսկ ամուսնությունից հետո իր ազգանվանն ավելացրել էր «յան» վերջածանցը։ Այդպիսով, ԱսլամազՅԱՆները Բաշ-Շիրակի հարուստ ընտանիքներից էին։ Մարիամի և Երանուհու հայրը՝ Արշակ Ասլամազյամը ճանաչված ջրաղացպան էր, որը, չնայած յոթնամյա կրթությանը, իր ձեռքով կառուցել էր տարածաշրջանի առաջին տուրբինային էլեկտրական ջրաղացը։ Հետագայում Արշակ Ասլամազյանը բոլշևիկների կողմից ճանաչվեց կուլակ և 1920-ականների ընթացքում Սովետական ղեկավարությունը հետըզհետե առգրավեց նրա ողջ ունեցվածքը։ Այդպիսով, երբեմնի հարուստ ընտանիքը աղքատության շեմին էր:

Մարիամն ու քույրը՝ Երանուհին  մեծանում էին մշակութային միջավայրում. նրանց հայրը ընկերություն էր անում ժամանակի հայտնի մարդկանցից շատերի հետ, այս թվում՝ ճարտարապետներ Թորոս Թորամանյանի, Նիկողայոս Բունիաթյանի, արևելագետ և ակադեմիկոս Հովսեփ Օրբելու, պատմաբան և լեզվաբան Նիկողայոս Մառի։ Ինչպես նշեցինք, Մարիամի և Երանուհու նկարչական տաղանդը արտահայտվում էր դեռևս դպրոցական տարիներից: Աղջիկների նկարչության ուսուցիչը նրանց խորհուրդ տվեց այդ տաղանդը զարգացնել Ալեքսանդրապոլում նկարչական ստուդիայում: Աղջիկները հետևեցին խորհրդին: Ստուդիան ավարտելուց հետո քույրերը տեղափոխվեցին Երևան և ընդունվեցին «Գեղարդ» գեղարվեստաարդյունաբերական տեխնիկում՝ հստակ որոշելով, որ ավարտելուն պես պիտի մեկնեն արտասահման ու այնտեղ շարունակեն ուսումը:

Տարիներ անց, Լենինգրադում տեղի ունեցած նկարիչների ցուցահանդես-մրցույթում հայազգի Մարիամին հաջողվում է գրավել առաջին հորիզոնականը: Մարիամը տոգորված էր հեղափոխական գաղափարներով, նախկինում հալածյալ աղջիկը դարձել էր Խորհրդային գեղանկարչության ընդունելի դեմքերից մեկը: Նա հեղինակել է բազմաթիվ գաղափարական գեղանկարներ, որոնք նվիրված են սովետական իշխանություններին ու ժողովրդին: Երբ Խորհրդային Միությունը փլուզվեց Մարիամի վերոնշյալ կտավները հանվեցին ցուցահանդեսներից և անհետացան: