Նորաձևությունը մեզ հնարավորություն է տալիս կանխատեսել ապագան և պատրաստ լինել մոտեցող սեզոններին։ Դիզայներների հսկայական աշխատանքի շնորհիվ սպառողը մեծ ջանք չի թափում լավ տեսք ունենալու վրա։ Ընդամենը պետք է մեկ ամիս առաջ հետևել խորհուրդներին, ուսումնասիրել թրենդերը և գնումների գնալուց առաջ հստակ իմանալ, թե ինչ եք գնելու, որպեսզի զգեստապահարանը չլցնեք անպետք իրերով։

Ահա ձեզ ենք ներկայացնում մի քանի թրենդ, որոնց պետք է հետևել գարնան և ամռան զգեստապահարանը լցնելու համար։

Ասիմետրիկ կտրվածքներ

Altuzarra և Koche-ի այս մոդելները հնարավորություն են տալիս վերջապես դադարել օգտագործել սիմետրիկ կտրվածքները և ինքնավստահ ու օրիգինալ երևալ։

Սպիտակ գույն

Ամառն այն ժամանակն է, որը հնարավոր չէ պատկերացնել առանց սպիտակի ու բնականի: Հաջորդ սեզոնին բամբակյա կտորից պատրաստված սպիտակ երկար ու կարճ զգեստները արդիական կլինեն: Նման զգեստները թանկ են, բայց որպեսզի գնումն արդարացվի, ուշադրություն դարձրեք կտորին. այն պետք է լինի  բնական և ջերմությունը չկլանի: Սպիտակը վառ կերպով ներկայացված է Alberta Ferretti, Christian Dior ապրանքանիշերի հավաքածուներում:

Ռիշելյո բլուզներ

Ուլլա Ջոնսոնը, Վալենտինոն և աշխարհահռչակ շատ այլ ապրանքանիշեր թողարկել են «շնչող» հագուստներ: Դրանք կարելի է կրել և՛ բոհոյի, և՛ ռոմանտիկ ոճով, և՛ բիզնեսի ոճով ՝ առանց խիստ դրես կոդի: Նման բլուզները ամենալավը համադրվում են ջինսերի հետ:

 

Գործվածքներ

Սպիտակ գործվածքի զգեստով իսկապես շատ նորաձև տեսք կունենաք։

Գործվածքի կոստյումներ

Չգիտեմ՝ ինչքանով հարմար կլինի որևէ  եղանակի կրել գործվածքից կոստյումներ, բայց հաշվի առեք, որ դրանք այս տարի թրենդում են։

Պատռված ջինսեր

Հետ են վերադառնում մեր հին ու բարի սիրելի պատռված ջինսերը։ Սակայն աշխատեք դրանք հեռու պահել տատիկի աչքից, թե չէ մի օր կարող եք գտնել կարկատված։

Դեղին գույն

Դոլչե Գաբանան, Ֆենդին, Սալվատորե Ֆեռագամոն կարծես օդը դեղինով են լցրել։ Բայց խնդրում ենք չշտապել ոտքից գլուխ դեղին հագնել։ Ջեր ամբողջ կերպարի մեջ թող լինի մեկ դեղին գույն։ Իսկ տղամարդկանց դեղին կոշիկները այս տարի, կարծես, լրիվ այլ պոտմություն են։

Կիմոնո

Կիմոնոները այս տարի ավելի շատ ներկայացված են Քրիստիան Դիորի հավաքածուում։ Դրանք ձեզ թույլ կտան հետաքրքիր ոճային կերպարներ ստեղծել։

Խոշոր ծաղիկներ

Ծաղկային պրինետերը միշտ են արդիական։ Այնպես որ, դրանք կարող եք գտնել ձեր կամ ձեր մայրիկի պահարանում։

 

 

Շապիկներ

Հատկապես արդիական են սև նեղ շապիկները: Ոչ թե որպես ներքին տարր, այլ որպես անկախ տարր, որը գրավում է ուշադրությունը և շեշտադրում սեքսուալությունը:

Նեոն

Գոտի, վերնաշապիկ, կոստյում։ Կարող եք փորձել գեղեցիկ համադրություն ստանալ մի փոքր նոենային գույն ավելացնելով։

Փետուրներ

2021 թվականի գարուն-ամառ սեզոնին փետուրները կարելի է դասել նորաձևության կարևոր միտումների շարքին: Միևնույն ժամանակ, փետուրները բնավ չպետք է լինեն բնական, այսօր կան բազմաթիվ արհեստական ​​տարբերակներ,այդպիսով փետուրներով հանդերձանքները էժան են, իսկ թռչունները մնում են անվնաս:

Բայց ամեն դեպքում աշխատեք, որ դրանք շատ աչքի չընկնեն։

Անթև զգեստներ

Ձեր սեքսուալությունը ընդգծելու համար կարող եք օգտվել այս թրենդից։

Ծավալային ուսեր

Սա 2021-ի հիմնական թրենդն է։

Գծեր

Յուրաքանչյուր ամռան համար, կարծում ենք այս տարբերակը արդիական է։

Թափանցիկ

Բազմաթիվ բրենդերը են այս տարվա համար ցուցադրել թափանցիկ հագուստը։ Այն ցանկացած ամռան համար միշտ կաորղ է արդիական լինել։ Սակայն աշխատեք հարմար վայր ընտրել թափանցիկ հագուստի համար։

Ռետրո ջինսե

Մարկ Ֆասթը  ցուցադրել է ջինսե կոստյումներ՝ մինի կիսաշրջազգեստով: Դրանք «հնաոճ» են նայվում և հաճելի հիշողություններ արթնացնում:

Սև սարաֆաններ

Առանձնահատուկ ուշադրություն պետք է դարձնել սև մինի սարաֆաններին, ինչպիսիք են Ալբերտա Ֆերետտին և Կոպերնին: 2021-ի գարուն-ամառ սեզոնում ձևը ավելի կարևոր է, քան համադրությունները, քանի որ ամռանը շատ բան չես կրի։

Սպորտային կոստյումներ

Սպորտային կոստյումնները վերջերս շատ նորաձև են։ Versace-ն, Mark Fast-ը, Celine-ը և Iceberg-ը ցույց են տալիս, որ սպորտային հագուստը ևս կարող է շքեղ տեսք ունենալ:

Լայն տաբատներ

Hugo Boss, Salvatore Ferragamo և Chlo-ի կանանց զգեստապահարանում լայն ուղիղ տղամարդկանց տաբատները են։ Այս տաբատները շքեղ են և՛ կոստյումների հետ և՛ ուղղակի սովորական շապիկների։

 

 

---