VivaroNews-ն առանձնացրել է փետրվարի 5-ին տեղի ունեցած ամենաուշագրավ իրադարձությունները և դրանք ներկայացնում է քրոնիկոնի տեսքով:
- Իկեր Կասիլյասը, մասնակցելով «Պորտու» – «Սպորտինգ» հանդիպմանը (2-1), անցկացրել է իր մարզական կարիերայի 960-րդ հանդիպումը: Նա պաշտոնական հանդիպումների թվով առաջատար է դարձել իսպանացի դարպասապահների շրջանում՝ շրջանցելով Անդոնի Սուբիսարետային:
- Նեյմար. «Դեռ շատ մրցանակներ կան, որոնք չեմ նվաճել: Արդեն մտածում եմ հաջորդ աշխարհի առաջնության մասին: Ինձ ինչ-որ չափով երազկոտ եմ համարում, քանի որ չեմ դադարում մտածել գալիք Մունդիալի մասին: Ամեն ինչ անելու եմ, որպեսզի լավագույնս ներկայանամ այդ առաջնությանը»:
- Ուրուգվայցի պաշտպան Մարտին Կասերեսը, թեև արդեն բուժզննում էր անցել «Միլանում», չի համալրի «ռոսոներիների» կազմը: 29-ամյա ֆուտբոլիստը մտադիր է կարիերան շարունակել Անգլիայի Պրեմիեր լիգայում: Նա արդեն մեկնել է Լոնդոն՝ քննարկելու առաջարկները:
- Յուլիան Դրաքսլեր. «Գերմանիայի հավաքականի միայն մեկ ֆուտբոլիստի կցանկանայի տեսնել «ՊՍԺ»-ում՝ Մեսութ Օզիլին: Չեմ հասկանում, թե ինչու են Ֆրանսիայի առաջնությունում այսքան քիչ գերմանացիներ հանդես գալիս: Հնարավոր է՝ Բունդեսլիգան նրանց համար ավելի հարմարավետ առաջնություն է մնում»:
- Մասիմիլիանո Ալեգրի. «Սա Պաոլո Դիբալայի 2-րդ մրցաշրջանն է «Յուվենտուսում», ուստի մարդիկ նրանից շատ ավելին են սպասում: Դա նորմալ է, երբ խոսք է գնում հիանալի ֆուտբոլիստների մասին: Նա ունի բոլոր որակները, որպեսզի մի օր նվաճի «Ոսկե գնդակը»»:
