Իտալիայի չեմպիոն «Միլանն» ու շվեդ հարձակվող Զլատան Իբրահիմովիչը նոր պայմանագիր կկնքեն՝ հայտնում է Sky Sports-ը:
Կողմերը 1 տարվա համաձայնագիր կստորագրեն, որը կգործի մինչև 2023 թվականի հունիսի 30-ը: 40-ամյա հարձակվողի տարեկան աշխատավարձը կկազմի 1-1,5 միլիոն եվրո: Միլանյան ակումբը շուտով պաշտոնապես կհաստատի գործարքը:
Ավելի վաղ շվեդ ֆուտբոլիստը ծնկի վիրահատություն էր տարել, որի պատճառով խաղադաշտից կբացակայի 7-8 ամիս:
Զլատանը «Միլան» էր վերադարձել 2020 թվականի հունվարին: Նրա պայմանագրի ժամկետն սպառվել է հուլիսի 1-ին: