Ֆուտբոլի միջազգային ասոցիացիայի խորհուրդը (IFAB), որը պատասխանատու է ֆուտբոլի կանոնների փոփոխման և ընդունման համար, մշտապես հաստատել է խաղի ընթացքում յուրաքանչյուր թիմի համար 5 փոխարինման հնարավորությունը՝ տեղեկանում ենք կառույցի պաշտոնական կայքից:
Կորոնավիրուսի համաճարակի բռնկումից հետո 5 փոխարինման կանոնը մտցվել էր ժամանակավոր հիմունքներով, սակայն այժմ այն կգործի մշտապես:
Ընդ որում՝ ոչ բոլոր լիգաներն են դեռևս կիրառում 5 փոխարինման կանոնը։ Անգլիայի Պրեմիեր լիգայի նախորդ մրցաշրջանում գործում էր 3 փոխարինում կատարելու հնարավորությունը, ինչը դժգոհություն էր առաջացրել մարզիչների շրջանում։
Սակայն ԱՊԼ-ն ավելի վաղ նույնպես հաստատել էր, որ հաջորդ մրցաշրջանից կթույլատրվի թիմերին 1 խաղի ընթացքում 5 փոխարինում կատարել: