«Ատալանտայի» հարձակվող Յոսիպ Իլիչիչը պոկերի հեղինակ դարձավ Չեմպիոնների լիգայի 1/8 եզրափակիչի «Վալենսիայի» դեմ խաղում (3:4)։
Այդ կերպ, նա դարձավ մրցաշարի պատմության առաջին ֆուտբոլիստը, որը կարողանում է 4 գոլի հեղինակ դառնալ փլեյ-օֆֆ փուլի արտագնա խաղում։
Բացի դրանից, 32-ամյա սլովենացին դարձավ ՉԼ պատմության 3-րդ ֆուտբոլիստը, որին հաջողվել է հեղինակել 5 կամ ավելի գոլ փլեյ-օֆֆի երկխաղյա դիմակայությունում։ Նման նվաճմամբ կարող են նաև պարծենալ Լիոնել Մեսին ու Կրիշտիանու Ռոնալդուն։
Ընթացիկ մրցաշրջանի բոլոր մրցաշարերում «Ատալանտայի» հետ Իլիչիչը մասնակցել է 29 հանդիպման՝ աչքի ընկնելով 21 գոլով ու 9 գոլային փոխանցմամբ։