Մադրիդի «Ռեալը» Չեմպիոնների լիգայի կիսաեզրափակիչի պատասխան խաղում կամային հաղթանակ (3:1) է տոնել անգլիական «Մանչեսթեր Սիթիի» նկատմամբ՝ դուրս գալով մրցաշարի եզրափակիչ:
Մադրիդյան ակումբի մամուլի ծառայությունը տեսանյութեր է հրապարակել «Ռեալի» հանդերձարանից, որտեղ ֆուտբոլիստները և մարզչական շտաբը տոնել են հաջողությունը:
🔊 "¡VAMOSSSSSSSSSSSS CARAJOOOOOO!" 🔊#APorLa14 pic.twitter.com/LPYrLJcv2s
— Real Madrid C.F. (@realmadrid) May 4, 2022
🥳 Lo que daríamos por estar en ese vestuario...#APorLa14 pic.twitter.com/F8TVa8efJK
— Real Madrid C.F. (@realmadrid) May 4, 2022
Հիշեցնենք՝ կիսաեզրափակիչ հանդիպման մինչև 89-րդ րոպեն «Ռեալը» պարտվում էր 0:1 հաշվով, սակայն 90 և 90+1-րդ րոպեներին մադրիդցիները կարողացան 2 գոլ խփել և խաղը տեղափոխել լրացուցիչ ժամանակ։ Լրացուցիչ ժամանակի առաջին խաղակեսում Կարիմ Բենզեման դիպուկ իրացրեց 11-մետրանոցն ու հաշիվը դարձրեց 3:1՝ հաղթանակ պարգևելով իր թիմին պատասխան մրցավեճում։ Առաջին հանդիպումն ավարտվել էր «Մանչեսթեր Սիթիի» հաղթանակով՝ 4։3 հաշվով։ Այսպիսով՝ երկխաղյա դիմակայության արդյունքում Մադրիդի «Ռեալը» դուրս եկավ մրցաշարի եզրափակիչ, որտեղ կհանդիպի անգլիական «Լիվերպուլին»:
Չեմպիոնների լիգայի այս խաղարկության եզրափակիչը կկայանա մայիսի 28-ին Ֆրանսիայի մայրաքաղաք Փարիզի «Ստադ դը Ֆրանս» ստադիոնում: