Միլանի «Ինտերի» գլխավոր մարզիչ Սիմոնե Ինձագին շուտով կհանդիպի ակումբի ղեկավարության հետ՝ ներկայացնելու իր տրանսֆերային նպատակների կարճ ցուցակը՝ հաղորդում է Calciomercato-ն:
Աղբյուրի փոխանցմամբ՝ «Ինտերի» գլխավոր մարզչի տրանսֆերային թիրախում են հայտնվել «Այաքսի» դարպասապահ Անդրե Օնանան, «Յուվենտուսի» հարձակողական ոճի կիսապաշտպան Պաուլո Դիբալան և «Ռոմայի» կիսապաշտպան Հենրիխ Մխիթարյանը:
Դիբալան արդեն հայտնել է, որ չի երկարաձգի թուրինցիների հետ պայմանագրի ժամկետը և հունիսին կդառնա ազատ գործակալ: Մխիթարյանն ու Օնանան էլ դեռևս չեն երկարաձգել ամռանն ավարտվող պայմանագրի ժամկետը համապատասխանաբար «Ռոմայի» և «Այաքսի» հետ:
Ավելի վաղ հայտնել էինք, որ «Ինտերը» պատրաստ է բավարարել Մխիթարյանի ֆինանսական պահանջները: