ՖԻՖԱ-ի նախագահ Ջանի Ինֆանտինոն բացառել է, որ աշխարհի 2022 թվականի առաջնությունում Իրանի ընտրանուն կարող է փոխարինել Իտալիայի հավաքականը:
Միևնույն ժամանակ նա նշել է, որ ցավում է, որ աշխարհի առաջնության մասնակիցների թվում չկա «Ակուադրա աձուրան»։
Այս ամենի մասին ֆուտբոլային կառույցի նախագահը հայտնել է լրագրողների հետ ճեպազրույցի ժամանակ:
Ավելի վաղ հաղորդվում էր, որ Իրանը կարող է դուրս մնալ ԱԱ 2022-ի մասնակիցների թվից, քանի որ այդ երկրում կանայք չեն կարողանում մարզադաշտեր այցելել:
Իտալիայի հավաքականն ԱԱ 2022-ի ընտրական մրցաշարի փլեյ-օֆֆի կիսաեզրափակիչում 0:1 հաշվով պարտվել է Հյուսիսային Մակեդոնիայի թիմին: Իտալացիները բաց կթողնեն աշխարհի առաջնությունն իրենց պատմության մեջ 3-րդ անգամ, ընդ որում՝ 2-րդ անգամ անընդմեջ:
ԱԱ 2022-ի խմբային փուլի վիճակահանությունն անցկացվել է ապրիլի 1-ին Դոհայում: