«Բարսելոնայի» նախկին և «Վիսելի Կոբեի» ներկայիս կիսապաշտպան Անդրես Ինիեստան խոստովանել է, որ հիացած է «Չելսիի» կիսապաշտպան Նգոլո Կանտեի խաղով և կցանկանար նրա հետ խաղալ մի թիմում:
«Նա այն խաղացողներից է, ում հետ կցանկանայի երկար տարիներ հանդես գալ մի թիմում: Նա, իհարկե, Ճապոնիա չի գա, բայց Կանտեն իմ սիրելի խաղացողներից է: Ինձ հիացնում է այն աշխատանքը, որ նա կատարում է դաշտում, և այն վստահությունը, որևով նա խաղում է: Նրա վարպետությունը նրան առանցքային է դարձնում «Չելսիի» և Ֆրանսիայի հավաքականի համար»,- Ինիեստայի խոսքերն է մեջբերում RMC Sport-ը:
Կանտեն էական դեր է խաղացել Ֆրանսիայի հավաքականի համար աշխարհի չեմպիոնի կոչումը նվաճելու գործում, ինչպես նաև օգնել է «Լեսթերին» և «Չելսիին» նվաճել Պրեմիեր լիգայի հաղթողի կոչումը: