VBET Հայաստանի Պրեմիեր լիգայի չեմպիոն «Ալաշկերտի» գլխավոր մարզիչ Ալեքսանդր Գրիգորյանը չի շարունակելու աշխատանքն ակումբում:
VNews.am-ին հայտնի է դարձել, որ 54-ամյա մասնագետը հեռացել է իր պաշտոնից:
Ընդ որում՝ Չեմպիոնների լիգայի որակավորման երկրորդ փուլի առաջին խաղում «Շերիֆից» կրած տնային պարտությունն (0:1) անմիջական կապ չունի Գրիգորյանի հեռանալու հետ:
Մեր տեղեկություններով՝ մարզիչը 3 շաբաթ առաջ առաջարկ է ստացել գլխավորել Մոսկվայի ԲԿՄԱ-ի կանանց թիմը և հակված է ընդունել այն:
Գրիգորյանն «Ալաշկերտը» գլխավորել է մայիսի 20-ին: Նրա օգնությամբ երևանցիները հաղթել են VBET Պրեմիեր լիգայի վերջին երեք հանդիպումները և նվաճել չեմպիոնի կոչումը:
