Կոնֆերենցիաների լիգայի մեկնարկից առաջ լուրջ փոփոխություններ են կատարվում «Ալաշկերտում»: VNews-ին հայտնի է դարձել, որ ակումբից հեռացել են մի քանի կարևոր ֆուտբոլիստներ:
Մասնավորապես երևանյան ակումբից հեռացել է թիմի հարձակման առաջատար Ժոզե էմբալոն: 29-ամյա ֆուտբոլիստը ելույթները շարունակելու է արտասահմանում: Արդեն հայտնի է, որ նրա ծառայություններն առաջարկվել են Մալայզիան ներկայացնող ակումբների:
Ավարտված մրցաշրջանում Էմբալոն դարձել է Ալաշկերտի լավագույն ռմբարկուն՝ խփելով 12 գոլ, որոնցից 4-ը՝ եվրագավաթներում:
Այլևս «Ալաշկերտում» չեն Աղվան Պապիկյանը, Դմիտրի Գուզը, Կոջո Ալֆոնսը, Մարկո Միլինկովիչը, Ալբերտ Մնացականյանը, Եվգենի Յատչենկոն և Ալեքսեյ Ռոդիոնովը:
Ավելի վաղ «Արարատը» հայտարարել էր, որ պայմանագիր է կնքել «Ալաշկերտի» դարպասապահ Արտյոմ Պոտապովի հետ: