VBET Հայաստանի գավաթակիր «Նորավանքը» դադարեցնում է գործունեությունը: VNews-ին հայտնի դարձավ, որ դրա մասին ակումբի ղեկավարությունը ֆուտբոլիստներին պաշտոնապես տեղյակ է պահել հատուկ նամակով:
Նամակում նշված է, որ ակումբն առաջիկա տարում գործունեություն չի ծավալի, սակայն VNews-ի տեղեկություններով՝ առաջիկա մեկ շաբաթվա ընթացքում այլ ներդրողներ գտնելու դեպքում «Նորավանքի» ղեկավարները պատրաստ կլինեն ակումբն անվճար նրանց տրամադրել:
Վայոց Ձորը ներկայացնող ակումբը հիմնվել է 2020 թվականին: Առաջին խմբում անցկացրած առաջին մրցաշրջանից հետո թիմը բարձրացավ VBET Պրեմիեր լիգա, որում գրավեց 7-րդ տեղը, իսկ VBET Հայաստանի գավաթի եզրափակիչում 2:0 հաշվով հաղթեց Ուրարտուին և իր պատմության առաջին տիտղոսը նվաճեց:
