«Արարատի» հարձակվող Մորի Կոնեն հեռանում է ակումբից: VNews.am-ին հայտնի դարձավ, որ իվուարցի ֆուտբոլիստը կարիերան շարունակելու է հունգարական «Ույպեշտում»:
Մինչև տրանսֆերային պատուհանի փակվելն ակումբները հասցրել են գրանցել գործարքը: Տրանսֆերը կազմել է 150-200 հազար եվրո:
26-ամյա ֆուտբոլիստը պայմանագիրը համաձայնեցրել է հունգարացիների հետ, սակայն դեռ սպասում է աշխատանքային վիզայի և մյուս փաստաթղթերի ձևակերպմանը: Միայն դրանից հետո նա կմեկնի Բուդապեշտ, իսկ ակումբները պաշտոնապես կհայտնեն տեղափոխության մասին:
Կոնեն մեկ տարի առաջ է «Շիրակից» տեղափոխվել «Արարատ»: Երևանցիների կազմում նա 32 խաղում դարձել է 15 գոլի և 8 գոլային փոխանցման հեղինակ:
«Շիրակում» Կոնեն դարձել է Հայաստանի առաջնության լավագույն ռմբարկու և լավագույն ֆուտբոլիստ: