«Կալյարիի» եզրային պաշտպան Ռաուլ Բելանովան վարձավճարով տեղափոխվեց «Ինտեր»՝ հայտնում է միլանյան ակումբի մամուլի ծառայությունը:
Attenzione, nuovo treno in arrivo: 🚂 Fermata Milano, #WelcomeRaoul! #ForzaInter pic.twitter.com/sf3c9UOW6m
— Inter (@Inter) July 6, 2022
Իտալացի պաշտպանը 1 մրցաշրջան վարձավճարով կանցկացնի «Ինտերում»: «Ներաձուրիները» «Կալյարիին» կվճարեն 3 միլիոն եվրո:
Միլանյան գրանդը Բելանովայի տրանսֆերային իրավունքը ձեռք բերելու առաջնային իրավունք կունենա: 22-ամյա Բելանովան «Միլանի» սան է:
«Ինտերը» մինչև այս ձեռք էր բերել նաև դարպասապահ Անդրե Օնանային, կիսապաշտպաններ Քրիստյան Ասլանիին, Հենրիխ Մխիթարյանին և հարձակվող Ռոմելու Լուկակուին: Ասլանին և Լուկակուն ևս Իտալիայի փոխչեմպիոնի կազմում կխաղան վարձավճարով: