«Չելսիի» հարձակվող Ռոմելու Լուկակուն վերադառնում է «Ինտեր»՝ հայտնում է ինսայդեր Ֆաբրիցիո Ռոմանոն: Միլանյան ակումբը 29-ամյա ռմբարկուին վարձակալելու է 1 մրցաշրջանով: Գործարքը չի ներառում տրանսֆերային իրավունքը գնելու կետ:
Նշվում է, որ կողմերը վերջնական համաձայնության են հասել. «ներաձուրիները» «թոշակառուներին» վճարելու են 8 մլն եվրո (առանց հավելավճարի):
Լուկակուն «Ինտերում» ելույթ է ունեցել 2019-2021 թվականներին: Նախորդ ամռանը «Չելսին» բելգիացու տրանսֆերային իրավունքը գնել էր 115 մլն եվրոյով: