Ինչպես արդեն տեղեկացրել ենք՝ Անտոնիո Կոնտեն պաշտոնապես հեռացել է «Ինտերից»:
Կոնտեի հեռանալուց հետո միլանյան ակումբը կարող է լքել նաև թիմի առաջատար Ռոմելու Լուկակուն՝ գրում է Sky Sports-ը: Աղբյուրի փոխանցմամբ՝ Կոնտեն գլխավոր պատճառներից էր, որ Լուկակուն 2 տարի առաջ «Մանչեսթեր Յունայթեդից» տեղափոխվեց Միլան: Նշվում է, որ բելգիացին այժմ լրջորեն դիտարկում է նոր ակումբ տեղափոխվելու տարբերակը: Նրա տրանսֆերային արժեքը բարձր է ու գնահատվում է 90-ից 100 միլիոն եվրո: Լուկակուի ծառայություններով հետաքրքրված է «Չելսին»:
Լուկակուն «Ինտերում» անցկացրած 2 մրցաշրջանում դարձել է 64 գոլի հեղինակ: