«Ինտերը» հետաքրքրված է «Յուվենտուսի» կիսապաշտպան Ֆեդերիկո Բերնարդեսկիի ծառայություններով։ «Միլանը» նույնպես հետաքրքրված է գործարքով, այդ իսկ պատճառով էլ Իտալիայի գործող չեմպիոններն ստիպված են ավելի համոզիչ առաջարկ կատարել՝ հաղորդում է Sport Mediaset-ը։
27-ամյա Բերնարդեսկիի գործող պայմանագրի ժամկետն ուժի մեջ է մինչև մրցաշրջանի ավարտը, և փետրվարի 1-ից իտալացի ֆուտբոլիստը կարող է ցանկացած ակումբի հետ բանակցություններ վարել։ «Յուվենտուսը» նոր պայմանագիր է առաջարկում, բայց աշխատավարձի նվազեցումով։ Դա է պատճառը, որ Բերնարդեսկին կարող է դիտարկել ակումբից հեռանալու տարբերակը։
Ընթացիկ մրցաշրջանում՝ Ա Սերիայում ու Չեմպիոնների լիգայում անցկացրած 21 խաղում, Բերնարդեսկին դարձել է 1 գոլի ու 6 գոլային փոխանցման հեղինակ։