Իտալիայի առաջնության 2020-21 մրցաշրջանի հաղթող «Ինտերը» շարունակում է պատրաստվել նոր մրցաշրջանին:
Սիմոնե Ինձագիի սաները մինչմրցաշրջանային պատրաստության շրջանակում ընկերական հանդիպում են անցկացրել իտալական «Կրոտոնեի» հետ՝ մրցակցի դարպասն ուղարկելով 6 անպատասխան գնդակ:
Գոլի հեղինակ են դարձել Սատրիանոն, Դիմարկոն, Չալհանօղլուն, Պինամոնտին, Սենսին ու Բրոզովիչը:
«Ինտերի» հաջորդ խաղն արդեն պաշտոնական է. օգոստոսի 21-ին միլանյան ակումբն Ա Սերիայի 1-ին տուրում կընդունի «Ջենոային»:
