«Ինտերը» հետաքրքրված է «Յուվենտուսի» հարձակվող Պաուլո Դիբալայի ծառայություններով։ «Ներաձուրիներն» ամռանը ցանկանում են ազատ գործակալի կարգավիճակով թիմ հրավիրել արգենտինացուն՝ հաղորդում է La Gazzetta dello Sport-ը։
«Ինտերի» գլխավոր տնօրեն Բեպե Մարոտան վերջերս կապ է հաստատել ֆուտբոլիստի գործակալի հետ, որ քննարկի հավանական գործարքի մանրամասները։
Միլանյան ակումբը Դիբալային 5 տարվա պայմանագիր է առաջարկում՝ տարեկան 7.5 մլն եվրո աշխատավարձով։ «Յուվենտուսում» արգենտինացին տարեկան 7.3 մլն եվրո է վաստակում։
Ա Սերիայի այս մրցաշրջանում Դիբալան 15 խաղում դարձել է 6 գոլի ու 3 գոլային փոխանցման հեղինակ։