Միլանի «Ինտերը» հետաքրքրված է Մադրիդի «Ռեալի» ֆուտբոլիստներ Դանի Սեբալյոսի ու Լուկա Յովիչի ծառայություններով՝ հաղորդում է Calciomercato-ն։
Ըստ աղբյուրի՝ իտալական ակումբը դիտարկում է ֆուտբոլիստներին ամառային տրանսֆերային պատուհանի ժամանակ թիմ հրավիրելու տարբերակը։ «Ռեալը» պատրաստ է վաճառել ֆուտբոլիստների տրանսֆերներն ու ստացած եկամուտն ուղղել կազմի ուժեղացմանը։
Ընթացիկ մրցաշրջանում 24-ամյա Յովիչը «Ռեալի» կազմում անցկացրած 17 խաղում դարձել է 1 գոլի ու 2 գոլային փոխանցման հեղինակ։ 25-ամյա Սեբալյոսը 11 խաղում 1 գոլային փոխանցման հեղինակ է դարձել։