Սիմոնե Ինձագին Անտոնիո Կոնտեին փոխարինելուց հետո «Ինտերում» շարունակեց կիրառել 3-5-2 խաղային սխեման, որը չեմպիոնություն էր ապահովել Ա Սերիայի 2020/21 մրցաշրջանում:
Մասնագետը լուրջ փոփոխությունների չդիմեց. Ռոմելու Լուկակուի տեղն զբաղեցրեց Էդին Ջեկոն, իսկ Քրիստիան Էրիկսենին փոխարինեց Հաքան Չալհանօղլուն:
Այս ամառ, ըստ ամենայնի, ազատ գործակալի կարգավիճակով «ներաձուրիների» շարքն են համալրելու Հենրիխ Մխիթարյանն ու Պաուլո Դիբալան: Մեծ հավանականություն կա, որ «Ինտեր» վերադառնա նաև Ռոմելու Լուկակուն:
Tuttosport-ի հաղորդմամբ՝ իտալացի մասնագետն ստիպված փոխելու է խաղային սխեման՝ 3-5-2-ից անցում կատարելով 3-4-1-2-ի: Նշվում է նաև, որ Ռոբին Գոսենսին ձախ եզրի փոխարեն ավելի շատ կտեսնենք խաղադաշտի կենտրոնում:
#Inzaghi cambia l'#Inter https://t.co/gELUIkXjC3
— Tuttosport (@tuttosport) June 17, 2022