«Ինտերը» հայտարարել է նոր գլխավոր մարզիչ նշանակելու մասին: Միլանյան թիմը գլխավորել է «Լացիոյի» նախկին մարզիչ Սիմոնե Ինձագին: Իտալացու հետ ստորագրվել է 2 տարվա ժամկետով պայմանագիր:
45-ամյա մասնագետը «ներաձուրիի» ղեկին փոխարինելու է Անտոնիո Կոնտեին, որն ավարտված մրցաշրջանում թիմին դարձրեց Ա սերիայի չեմպիոն: Կոնտեն իր պաշտոնը թողել է ակումբի ղեկավարության տրանսֆերային նոր քաղաքականության վերաբերյալ անհամաձայնության պատճառով:
Ինձագին 2016 թվականից էր գլխավորում «Լացիոն»: Հռոմեացիների հետ նա երկու անգամ դարձել է Իտալիայի սուպերգավաթակիր և մեկ անգամ Իտալիայի գավաթակիր:
