«Ինտերը» պատրաստվում է ամռանն ուժեղացնել կիսապաշտպանության գիծը՝ հայտնում է Tuttosport պարբերականը:
Աղբյուրի համաձայն՝ միլանցիների գլխավոր տրանսֆերային թիրախն են «Ռոմայի» հարձակողական ոճի կիսապաշտպան Հենրիխ Մխիթարյանը և «Էմպոլիի» 20-ամյա ալբանացի կենտրոնական կիսապաշտպան Քրիստյան Ասլանին:
Ըստ իտալական պարբերականի՝ «Ինտերը» պատրաստ է բավարարել «Ռոմայի» 33-ամյա ֆուտբոլիստի ֆինանսական պահանջները: «Ներաձուրիները» պատրաստ են պայմանագիր կնքելու համար 2 միլիոն եվրո բոնուս վճարել Հենրիխին, իսկ աշխատավարձի չափը կարող է կազմել տարեկան 4 միլիոն եվրո:
Ավելի վաղ հաղորդվում էր, որ «Ինտերը» կապ է հաստատել Մխիթարյանի ներկայացուցիչների հետ: Հենրիխի՝ «Ռոմայի» հետ գործող պայմանագրի ժամկետը նախատեսված է մինչև հունիս: