«Ինտերը» «Չելսիին» հայտնել է, որ չի պատրաստվում 8 մլն եվրոյից ավելի վճարել Ռոմելու Լուկակուի վարձակալության համար՝ հայտնում է Calciomercato-ն:
Աղբյուրի հաղորդմամբ՝ սկզբում «ներաձուրիներն» առաջարկել են 5 մլն եվրո (2 մլն էլ նախատեսված էր որպես հավելավճար), սակայն «ազնվականները» պահանջել են 10 մլն եվրո:
Այժմ միլանյան ակումբը հայտնել է վերջնական գումարի չափը՝ հույս ունենալով, որ պատասխան կստանա սեղմ ժամկետում:
Հիշեցնենք, որ 2021 թվականի ամռանը «Չելսին» «Ինտերից» գնել էր բելգիացի ռմբարկուի տրանսֆերային իրավունքը՝ վճարելով 113 մլն եվրո:
Լուկակուն գոհ չէ լոնդոնյան ակումբում իր կարգավիճակից և մտադիր է վերադառնալ միլանյան գրանդ: