«Ռեալի» կիսապաշտպան Իսկոն կփոխի ակումբային գրանցումը մրցաշրջանի ավարտին:
Ինչպես հաղորդում է Calciomercato-ն, իսպանացին պայմանավորվել է «Սևիլիայի» հետ: Կողմերն արդեն քննարկել են պայմանագրի բոլոր դետալներն ու համաձայնության եկել տրանսֆերի հարցում:
Նշենք նաև, որ 29-ամյա ֆուտբոլիստն անդալուզյան ակումբ կտեղափոխվի ազատ գործակալի կարգավիճակով, քանի որ ամռանն ավարտվում է նրա՝ «սերուցքայինների» հետ գործող պայմանագրի ժամկետը:
Ընթացիկ մրցաշրջանում «Ռեալի» կազմում Իսկոն անցկացրել է 14 հանդիպում և դարձել 2 գնդակի հեղինակ:
