Մադրիդի «Ռեալից» հեռացած և ազատ գործակալի կարգավիճակ ստացած իսպանացի կիսապաշտպան Իսկոն մարզական կարիերան շարունակելու 3 տարբերակ ունի: Mundo Deportivo-ի հաղորդմամբ՝ թուրքական «Գալաթասարայի» գլխավոր մարզիչ Օկան Բուրուկն ակումբի ղեկավարությանը պնդում է թիմ հրավիրել Իսկոյին:
Նրանք ցանկանում են ուժեղացնել կազմը, որպեսզի հաղթեն ներքին առաջնությունում և Չեմպիոնների լիգայի ուղեգիր նվաճեն:
Իսկոյի ծառայություններով վաղուց հետաքրքրված են նաև իտալական «Ռոման» և իսպանական «Սևիլիան»:
30-ամյա հարձակողական ոճի կիսապաշտպանը 2013 թվականի հուլիսից էր պաշտպանում «Արքայական ակումբի» գույները:
