Մադրիդի «Ռեալի» 30-ամյա կիսապաշտպան Իսկոն մերժել է իտալական «Ռոմայի» և «Միլանի» առաջարկը՝ հայտնում է AS-ը։
Աղբյուրի տեղեկություններով՝ խաղացողը նախատեսում է կարիերան շարունակել Իսպանիայի առաջնությունում։ Ավելի վաղ Իսկոն հայտարարել էր, որ հեռանում է մադրիդյան գրանդից:
Իսպանացին «Ռեալում» խաղում է 2013 թվականի հուլիսից։ Ֆուտբոլիստի պայմանագիրը գործում է մինչև հունիսի 30-ը։ Իսկոն մադրիդյան ակումբի կազմում անցկացրել է 353 հանդիպում, որոնցում դարձել է 53 գոլի և 56 գոլային փոխանցման հեղինակ։
Ավելի վաղ հաղորդվում էր, որ «Ռոման» Իսկոյին կհրավիրի, եթե թիմի հայ կիսապաշտպան Հենրիխ Մխիթարյանը հեռանա ակումբից: