Հիշո՞ւմ եք «Իսկական դետեկտիվ» սերիալը: Մենք էլ: Այն ունեցավ 2 եթերաշրջան. առաջինը՝ հաջողվեց, երկրորդը՝ ոչ: Առաջինի հաջողվեց նաև լավ դերասանական կազմի շնորհիվ՝ հատկապես Մեթյու Մաքկոնահիի: Շատ կարևոր էր նաև ռեժիսորի դերը: Առաջին եթերաշրջանի ռեժիսորն էր Քերի Ֆուկունագան, երկրորդինը՝ մի քանի տարբեր հեղինակներ:
Երկրորդ եթերաշրջանի դերասաններն էին Վինս Վոնը, Քոլին Ֆարելը և Ռեյչլ ՄակԱդամսը:
HBO ընկերությունը երկար էր մտածում երրորդ եթերաշրջան նկարահանել, թե՝ ոչ: Օրերս «Լուսնի լույսը» օսկարակիր ֆիլմի օսկարակիր դերասան Մահերշալա Ալին իր ինստագրամյան էջում այս նկարն էր տեղադրել.
Բոլորը միանգամից հասկացան. երրորդ եթերաշրջան լինելու է և այնտեղ լինելու է նաև Մահերշալա Ալին:
HBO-ն դեռ պաշտոնական տեղեկություններ չի հաղորդել, բայց կարծես թե կասկածներ այլևս չկան: Սպասենք:
