Արգենտինացի մասնագետ Մաուրիսիո Պոչետինոն, որը մոտ է ՊՍԺ-ի գլխավոր մարզչի պաշտոնից հեռանալուն, կարող է աշխատանքի անցնել Իսպանիայի առաջնությունում՝ հայտնում է ֆրանսիական «Էկիպ»-ը:
Բիլբաոյի «Ատլետիկը» պատրաստվում է հրավիրել Պոչետինոյին. Մաուրիսիոն թիմի ղեկին կարող է փոխարինել Մարսելինո Գարսիա Տորալին։
Պոչետինոյի՝ ՊՍԺ-ի հետ գործող համաձայնագրի ժամկետը նախատեսված է մինչև հաջորդ տարվա ամառ, սակայն ըստ տարբեր հեղինակավոր պարբերականների՝ ընթացիկ մրցաշրջանի ավարտից հետո կողմերը կխզեն գործող պայմանագիրը:
Հիշեցնենք՝ ՊՍԺ-ն վաղաժամ նվաճել է Լիգա 1-ի ընթացիկ մրցաշրջանի չեմպիոնական տիտղոսը:
