«Ռեալ Սոսյեդադի» ավագ Միկել Օյարսաբալը չի օգնի Իսպանիայի հավաքականին Ազգերի լիգայի գավաթի խաղարկության շրջանակում Գերմանիայի և Ուկրաինայի հավաքականների դեմ կայանալիք առաջիկա հանդիպումներում: Այս մասին հաղորդում է ազգային ընտրանու մամուլի ծառայությունը:
Բասկ ֆուտբոլիստը հավաքականի ճամբար ժամանելուց առաջ կորոնավիրուսի թեստ է հանձնել, ինչի պատասխանը դրական է եղել: Այդ փաստը բացառել է նրա ներկայությունը հավաքականում առաջիկա օրերին, երբ անցկացվելու է մարզական հավաք:
Օյարսաբալին փոխարինելու համար հրավիրվել է «Վիլյառեալի» հարձակվող Ժերար Մորենոն: Նա Լա Լիգայի 2019/20թթ․ առաջնությունում խփած 18 գոլով դարձել է առաջնության 3-րդ լավագույն ռմբարկու՝ գրանցելով լավագույն ցուցանիշն իսպանացի ֆուտբոլիստների շրջանում:
⚠️ OFICIAL | @GerardMoreno9 sustituye a @mikel10oyar en la lista para los partidos contra Alemania y Ucrania
➡️ El capitán de la @RealSociedad causa baja por COVID-19 y le deseamos una pronta recuperación
ℹ️ Más info: https://t.co/gbkBKRtEy9 pic.twitter.com/snsbp6sCfQ
— Selección Española de Fútbol (@SeFutbol) August 30, 2020
Յովիչը չի մեկնի հավաքական՝ Լա լիգայի մեկնարկին մասնակցելու հնարավորության համար
