«Տոտենհեմը» պաշտոնապես հայտարարել է «Ատալանտայի» դարպասապահ Պիերլուիջի Գոլինիի՝ լոնդոնյան ակումբ տեղափոխության մասին:
26-ամյա ֆուտբոլիստը «Տոտենհեմում» կխաղա վարձակալական հիմունքներով մինչև 2021/22թթ․ մրցաշրջանի ավարտը: Անգլիական ակումբը կունենա ամբողջական տրանսֆերը գնելու հնարավորություն:
✍️ We are delighted to announce the signing of goalkeeper Pierluigi Gollini from Italian side Atalanta on a season-long loan, with an option to make the transfer permanent.
— Tottenham Hotspur (@SpursOfficial) July 24, 2021
Բրիտանական լրատվամիջոցների տեղեկություններով՝ ամբողջական տրանսֆերի գնման արժեքը կազմում է 15 մլն եվրո, և այդ կետը պարտադիր կդառնա, եթե Գոլինին լոնդոնյան թիմի կազմում հատի անցկացրած 20 խաղի սահմանագիծը:
Դարպասապահը 2017 թվականին է տեղափոխվել «Ատալանտա», նրա կազմում մասնակցել 112 հանդիպման: Գոլինին 1 հանդիպում է անցկացրել Իտալիայի ազգային հավաքականում՝ մասնակցելով ԵՎՐՈ 2020-ի ընտրական փուլում Բոսնիա և Հերցեգովինայի ընտրանու դեմ 2019 թվականին կայացած խաղին (3-0): Նա հայտավորված է եղել այդ ընտրական շրջափուլի ևս 4 մրցավեճի:
55 մլն եվրո Ա սերիայի լավագույն պաշտպանի համար. պահանջ անգլիական ակումբից
