Մյունխենի «Բավարիայի» 18-ամյա գերմանացի կիսապաշտպան Ջամալ Մուսիալայի՝ կորոնավիրուսի թեստը դրական արդյունք է ցույց տվել՝ հայտնում է գերմանական ակումբի մամուլի ծառայությունը:
Գերմանացին ինքնամեկուսացել է՝ պահպանելով հակահամաճարակային կանոնները: Մուսիալան Բունդեսլիգայի ընթացիկ մրցաշրջանում մասնակցել է 20 խաղի՝ դառնալով 3 գոլի և 4 գոլային փոխանցման հեղինակ:
Հավելենք՝ «Բավարիան» փետրվարի 12-ին Բունդեսլիգայի շրջանակում կհյուրընկալվի «Բոխումին», իսկ 5 օր անց Չեմպիոնների լիգայի 1/8 եզրափակիչի առաջին հանդիպումը կանցկացնի ավստրիական «Զալցբուրգի» հետ:
