Մադրիդում ավարտվեց շախմատի աշխարհի չեմպիոնի տիտղոսի հավակնորդների մրցաշարը: Ինչպես արդեն տեղեկացրել էինք, մրցաշարի ավարտից մեկ տուր առաջ Յան Նեպոմնյաշչնին ապահովել էր աշխարհի չեմպիոնի տիտղոսի եզրափակիչ մրցախաղի միակ ուղեգիրը: Ավարտական՝ 14-րդ տուրում նա հաշտություն կնքեց Յան-Քշիշտոֆ Դուդայի հետ և մրցաշարն ավարտեց 9,5 միավորով:
Յան Նեպոմնյաշչնին դարձավ առաջին շախմատիստը, որին հաջողվեց երկու անգամ անընդմեջ հաղթող ճանաչվել շախմատի աշխարհի չեմպիոնի տիտղոսի հավակնորդների մրցաշարում:
2-րդ տեղը զբաղեցրեց Դին Լիժենը, որը հաղթեց Հիկարու Նակամուրային ու վաստակեց 8 միավոր: 7,5-ական միավորով 3-4-րդ տեղերը բաժանեցին Թեյմուր Ռաջաբովն ու Հիկարու Նակամուրան: Ռաջաբովը հաղթեց Ռիչարդ Ռապորտին:
6,5 միավորով 5-րդ տեղը զբաղեցրեց Ֆաբիանո Կարուանան, որը պարտվեց Ալիռեզա Ֆիրուջային: Վերջինս 6 միավորով զբաղեցրեց 6-րդ հորիզոնականը: 5,5-ական միավորով աղյուսակը եզրափակեցին Յան-Քշիշտոֆ Դուդան և Ռիչարդ Ռապորտը: