«Մանչեսթեր Սիթիի» և Բրազիլիայի հավաքականի հարձակվող Գաբրիել Ժեզուշն այսօր բուժզննում կանցնի Լոնդոնի «Արսենալի» համար՝ հայտնում է ինսայդեր Ֆաբրիցիո Ռոմանոն:
Ֆուտբոլիստն արդեն Լոնդոնում է, պատրաստ է ավարտին հասցնել տեղափոխությունը: Բրազիլացին «Արսենալի» հետ կկնքի հնգամյա պայմանագիր: «Զինագործները» տրանսֆերի համար «Մանչեսթեր Սիթիին» կվճարեն 45 միլիոն ֆունտ:
25-ամյա հարձակվողը 2017 թվականի հունվարին է տեղափոխվել «Մանչեսթեր Սիթի»: Ժեզուշի պայմանագիրը մանչեսթերյան ակումբի հետ գործում է մինչև 2023 թվականի ամառ: