Այս անգամ ձեզ ենք ներկայացնում անկրկնելի Ջեյն Բիրկինի արխիվային լուսանկարները:
Ջեյնը ծնվել է 1946 թ. Լոնդոնում, իսկ 60-70-ականներին նա արդեն կանացիության, սեքսուալության և գեղեցկության խորհրդանիշ էր: Թեպետ Ջեյնով մարդիկ սկսեցին շատ հետաքրքրվել ֆրանսիացի երաժիշտ Շերժ Գենսբուրի հետ սիրավեպից հետո, նրա մասին արդեն լսել էին. նա նկարահանվել էր հանճարեղ Միքելանջելո Անտոնիոնիի 1966 թ. “Blow-Up“, Պիեր Գրեմբլայի “Slogan” և Ժակ Դերեի “La piscine” ֆիլմերում: Վերջինում նշենք, որ Ջեյնի խաղընկերներ էին Ռոմի Շնայդերն ու Ալեն Դելոնը:
Այսօր սակայն դժվար է պատկերացնել մեկին, որն այնքան մեծ ազդեցություն է թողել նորաձևության վրա որքան Ջեյնի ներդրումն է, հենց 70-ականների Ջեյնի, որի ոճով ոգեշնչված շատ ու շատ դիզայներներ հագուստ են հագուստ են պատրաստել, և որն այսօր էլ է մոդայիկ համարվում: Օրինակ նույն ծղոտե պայուսակը, որն ինչպես նշում են նորաձության էքսպերտները նորից լայն կիրառություն է ստանում և այսօր երիտասարդ աղջիկների պաշտամունքն է: Այս հասարակ պայուսակով շատերը գնում են մրգի և բանջարեղենի հետևից, բայց այն Ջեյնի անբաժան ընկերն էր:
Ամենահասարակ հագուստն անգամ Ջեյնի հագին գրավիչ և հետաքրքիր տեսք էր ստանում: Այսօր կանացի զգեստապահարանի շատ ու շատ ատրիբուտներ հենց Ջեյնի հետ են ասոցացվում:
Ձեզ ենք ներկայացնում ոճային Ջեյն Բիրկինի վինտաժային լուսանկարներից մի քանիսը:
աղբյուր՝ vintag.es