1928 թվականի հոկտեմբերի 12-ին է ծնվել Ջիվան Գասպարյանը։
Դուդուկը նրա կյանքը փոխեց, իսկ նա՝ իր նվագով փոխեց հազարավորների վերաբերմունքը դուդուկի հանդեպ, հայկական երաժշտությունը լսելի ու սիրելի դարձրեց օտարազգիների շրջանականերում.
10+2 փաստ Ջիվան Գասպարյանի մասին, որ գուցե չգիտեք
1. Ջիվան Գասպարյանը ծնվել է 1928թ.-ի հոկտեմբերի 12-ին, Կոտայքի մարզի Սոլակ գյուղում:
2. Ընտանիքում երաժիշտներ չեն եղել, թեև հայրը լավ ձայն է ունեցել և հաճախ երգել է:
3. Մեծացել է որբանոցում. մայրը վաղ է մահացել, հենց այն շրջանում, երբ հայրը զինվոր է եղել Երկրորդ Համաշխարհային Պատերազմում:
4. Դուդուկ սկսել է նվագել 6 տարեկանից՝ առանց ինչ-որ տեղ սովորելու:
Ժողգործիքների անսամբլ, 1944թ. (կենտրոնում՝ 16-ամյա Ջիվան Գասպարյանը)
Լուսանկարը՝ Գասպարյանների ընտանեկան արխիվ
5. Ստալինից «Պոբեդա» ժամացույց է նվեր ստացել, երբ ազգային սիրողական համույթի հետ մեկնել են Մոսկվա համույթի: Ջիվան Գասպարյանը պատմում է, որ Ստալինն իր նվագելու ընթացքում անգամ դադարել է ծխել:
6. Նրա նվագը տեղ է գտել Մարտին Սկորսեզեի «Քրիստոսի վերջին գայթակղությունը» և Ռիդլի Սքոթի «Գլադիատոր» ֆիլմերում:
7. 2002 թվականին ներկայացվել է ԱՄՆ «Գրեմմի» միջազգային երաժշտական մրցանակի:
8. Երաժշտի բոլոր դուդուկները ծիրանենու փայտից են:
9. Մի անգամ Վիլյամ Սարոյանը Ջիվանի նվագը լսելուց հետո ասում է՝ «Ջիվան ջան, սա նվագ չէ, այլ աղոթք է», հետագայում այդ տողերը տեղ են գտնում Ջիվանի՝ 1982թ.-ին թողարկած ձայնասկավառակի վրա:
10. Խոստովանել է, որ համերգներից առաջ մի քիչ խմում է՝ լավ տրամադրության համար:
11. Թուրքիայում չորս համերգ է ունեցել:
12. Թողարկել է ավելի քան 20 ձայնասկավառակ, ունի ավելի քան 1000 ձայնագրություններ, նվագել է շուրջ 20 հազար համերգներում:
Հուլիսի 6-ին կյանիքից հեռացել է ՀԽՍՀ ժողովրդական արտիստ Ջիվան Գասպարյանը: Այդ մասին «ֆեյսբուք»-ի իր էջում գրել է նրա թոռը՝ Ջիվան Գասպարյան կրտսերը: «Շատ մեծ ցավով եմ գրում իմ մեծ կորստի մասին: Աստված հոգիդ լուսավոր երկնքում պահի»,-ընդգծել է նա։