Իտալական «Ռոմայի» պորտուգալացի գլխավոր մարզիչ Ժոզե Մոուրինյոն հայտարարել է, որ չի ցանկանում գլխավորել անգլիական «Էվերթոնը»՝ հայտնում է իտալացի լրագրող Ֆաբրիցիո Ռոմանոն:
«Ռոմայում» իմ աշխատանքը չեմ փոխի այլ աշխատանքի հետ: Ես առաջիկա երեք տարում ամեն ինչ պետք է տամ այս թիմին, զգում եմ, որ սա իմ նախագիծն է»,- պորտուգալացի մասնագետի խոսքը մեջբերում է Ռոմանոն:
Հավելենք՝ «Էվերթոնը» մի քանի օր առաջ գլխավոր մարզչի պաշտոնից հեռացրել էր Ռաֆայել Բենիտեսին, ինչից հետո անգլիական ակումբն առաջարկ էր կատարել Ժոզեին:
Մոուրինյոն Անգլիայում գլխավորել է այնպիսի ակումբներ, ինչպիսիք են «Չելսին», «Մանչեսթեր Յունայթեդը» և «Տոտենհեմը»: