«Ռոմայի» գլխավոր մարզիչ Ժոզե Մոուրինյոն «Սամպդորիայի» դեմ խաղից հետո ամփոփել է հանդիպումը, խոսել է նաև թիմի հայ կիսապաշտպան Հենրիխ Մխիթարյանի ապագայի մասին:Հիշեցնենք՝ Մխիթարյանը խփել է երեկվա հանդիպման միակ գոլը:
ԽԱՂԻ ՄԱՍԻՆ
«Դժվար հանդիպում էր: «Ռոման» կազմակերպված թիմ է և ունի իր փիլիսոփայությունը։
Ամենակարևորը հաղթելն էր այս երեկո, և մենք դա արեցինք: Միգուցե մենք կարող էինք ավելին անել, որպեսզի 2-րդ գոլը խփեինք, բայց մենք, այնուամենայնիվ, լավ աշխատանք ենք կատարել:
Բայց ինձ դուր եկավ, թե ինչպես մենք անցկացրինք 2-րդ խաղակեսը: Կրկնեմ՝ ես կցանկանայի ևս մեկ գոլ, բայց դա կարևոր հաղթանակ էր մեզ համար»,- նշել է պորտուգալացի մասնագետը:
ՀԵՆՐԻԽԻ ԱՊԱԳԱՅԻ ՄԱՍԻՆ
«Նա հիանալի մրցաշրջան է անցկացնում. ես ուզում եմ, որ Միկին մնա այստեղ, և նա նույնպես դա է ցանկանում: Ակումբը և Պինտուն նույնպես ցանկանում են, որ նա մնա այստեղ:
Մինո Ռայոլան սիրում է իր խաղացողներին, ուստի պետք է ամեն ինչ լավ լինի»,- Ժոզեի խոսքն է մեջբերում «գայլերի» մամուլի ծառայությունը:
Մխիթարյանի՝ «Ռոմայի» հետ գործող պայմանագրի ժամկետը կավարտվի հունիսին:
