«Ռիվեր Փլեյթի» նախագահ Խորխե Բրիտոն հաստատել է, որ թիմի հարձակվող Խուլիան Ալվարեսը տեղափոխվում է «Մանչեսթեր Սիթի»։
«Մենք «Մանչեսթեր Սիթիի» հետ պայմանավորվածություն ունենք Ալվարեսի տրանսֆերային իրավունքների վաճառքի հարցում։ Նա մինչև հուլիսի 7-ը վարձակալությամբ կմնա «Ռիվեր Փլեյթում», իսկ հետո պաշտոնապես կհայտարարենք»,- Բրիտոյի խոսքն է հաղորդում Ֆաբրիցիո Ռոմանոն։
Ալվարեսը «Ռիվեր Փլեյթի» սան է։ Արգենտինական ակումբի հետ նրա պայմանագիրն ուժի մեջ է մինչև 2022 թվականի դեկտեմբերի 31-ը։ Transfermarkt-ը 20 մլն եվրո է գնահատում հարձակվողի շուկայական արժեքը։