«Լիվերպուլի» գլխավոր մարզիչ Յուրգեն Կլոպը մեկնաբանել է Սադիո Մանեի և Մոհամեդ Սալահի բացակայությունը Անգլիայի գավաթի քառորդ եզրափակիչի՝ «Նոթինգեմի» դեմ խաղում (1:0):
«Մենք Մանեին խաղադաշտ դուրս չբերեցինք, քանի որ նրան շատ կարևոր խաղ է սպասվում ազգային հավաքականում:
Սալահի պարագայում ամեն ինչ պարզ է. նա թեթեւ վնասվածք ունի»,- Կլոպի խոսքն է մեջբերում BBC-ն։
Մարտի 25-ին և 29-ին Սադիո Մանեի Սենեգալի և Մոհամեդ Սալահի Եգիպտոսի հավաքականները երկխաղյա դիմակայությամբ կվիճարկեն ԱԱ 2022-ի հիմնական փուլի ուղեգրերից մեկը:
Անգլիայի գավաթի կիսաեզրափակչում «Լիվերպուլը» կմրցի «Մանչեսթեր Սիթիի» հետ։