«Լիվերպուլի» գլխավոր մարզիչ Յուրգեն Կլոպը մեկնաբանել է Չեմպիոնների լիգայի 1/4 եզրափակիչի՝ «Բենֆիկայի» դեմ առաջին հանդիպման արդյունքը (3:1):
«Չեմպիոնների լիգայում «Բենֆիկային» արտագնա խաղում դժվար է հաղթել. մրցակիցը պայքարեց մինչև վերջ, և մենք թույլ տվեցինք, որ նրանք չափազանց շատ հնարավորություններ ստեղծեն։
«Բենֆիկան» արժանի էր գոլին, չնայած մենք կարող էինք ավելի լավ խաղալ պաշտպանությունում: Բարդ խաղ էր: Ինչպես սպասում էի, երկրպագուներն ակտիվորեն աջակցում էին իրենց թիմին։
Մենք գիտեինք, որ ընդմիջումից առաջ 2:0 հաշիվը հաճելի է, բայց ոչ ավելին: Հետո գնդակ բաց թողեցինք։ Պատասխան խաղից առաջ 2 գնդակի առավելություն ունենք, առաջ ենք շարժվում։
Մենք սովորաբար ավելի շատ գոլեր ենք խփում նման իրավիճակներում, բայց դա չարեցինք հիմնականում այն պատճառով, որ «Բենֆիկայի» դարպասապահը շատ լավն էր:
Մենք շատ բան գիտենք մեր մրցակցի մասին, ուստի պատրաստ կլինենք պատասխան հանդիպմանը»,- Կլոպի խոսքն է մեջբերում BT Sport-ը։